ПРЕЗИДЕНТга МУРОЖААТ

         ЎЗБЕКИСТОН РЕСПУБЛИКАСИ ПРЕЗИДЕНТИ  

ШАВКАТ МИРОМОНОВИЧ МИРЗИЁЕВга

 

МУРОЖААТ

 

              Муҳтарам Президент жаноблари!

 

              Биз, Ўзбекистон Республикаси фуқаровий жамияти вакиллари, таниқли ҳуқуқбон, Ўзбекистон Республикаси фуқароси Толиб Ёқубов [паспорт бўйича Талиб Якубов]нинг Ўзбекистонга қайтиши масаласида Сизга мурожаат қилмоқдамиз. Толиб Ёқубов куёви Азам Формонов қамоққа олиниши ортидан 2006 йил июль ойида Ўзбекистондан Францияга чиқиб кетган. У 11 йил давомида халқаро ҳуқуқбонлик ташкилотлари кўмагида А.Формонов озодлиги йўлида кураш олиб борди. И.Каримовнинг вафоти ва Сизнинг Ўзбекистон Республикаси президенти этиб сайланишингиз ортидан илгари ноҳақ қамалган қатор ҳуқуқбонлар, шу жумладан А.Формонов, журналистлар, сиёсий партия аъзолари ва тадбиркорлар қамоқхоналардан озодликга чиқишди. Continue reading

Categories: МУРОЖААТЛАР | Leave a comment

НЕВАРАЛАРИМНИНГ ДУГОНАЛАРИ

Толиб ЁҚУБ

Жиззах туманидаги Тоқчилиқ қишлоғи Ўзбекистондаги минглаб қишлоқлардан бири. Уни бошқа қишлоқлардан афзал қиладиган бирорта шоху-бутоғи йўқ – ҳамма ёқда гувала, ё хом ғиштдан қурилган бир қаватли уйлар, кўчалари асфальт қилинган бўлса-да, ўнқир-чўнқир кўчаларда машина ҳайдасангиз кўнглингиз айнийди – бу 2006 йилнинг гаплари, ҳозир аҳвол қандайлигини билмайман, чунки мен 2006 йил июлида Ўзбекистондан чиқиб кетганман. Францияга биринчи бўлиб ўғлим Олим чиқиб кетди (9 февраль 2006 йил). Сабаби оддий – 2-3 йил ичида милиция унга қарши уч марта маъмурий ҳуқуқбузарлик айби билан, бир марта жиноят содир этиш айби билан иш қўзғатди. Ислом Каримов пайтида ёзилмаган бир қоида бор эди – унга кўра ҳукумат кучишлатар органларга: “мухолиф фикрдаги одамлар – Юсуф Жума каби шоирлар, Мамадали Маҳмуд каби ёзувчилар, Бахтиёр Ҳамро каби ҳуқуқбонларнинг ўзига тегмайсан, бошида уларнинг яқинлари (фарзанди, ака-укаси, тоға-жияни ва ҳоказо)ни қамайсан, товба қилмаса ўзини қамайсан” деган кўрсатма эди. Continue reading

Categories: МАҚОЛАЛАР | Leave a comment

МХХ РАИСИ ИХТИЁР АБДУЛЛАЕВга

ЎЗБЕКИСТОН РЕСПУБЛИКАСИ МИЛЛИЙ ХАВФСИЗЛИК ХИЗМАТИ

РАИСИ ИХТИЁР АБДУЛЛАЕВга

————————————————

Толиб ЁҚУБОВ [паспорт бўйича Талиб Якубов]

 

16, rue Marcel Pajotin, Angers, 49000, France

———————————————–

 

МУРОЖААТИ

 

              Муҳтарам Раис жаноблари!

 

              Сизга яна мен, 2006 йил 18 августдан бери Францияда яшаётган Толиб Ёқубов, мурожаат қилмоқдаман. “Яна” деганимнинг сабаби шу-ки, мен Сизга 2015 йилда, ўша пайтда УЯ 64/71 (Жаслиқ) қамоқхонасида сақланаётган куёвим Азам Формонов масаласида икки марта мурожаат қилган, ҳар иккала мурожаатимга Бош прокуратурадан жавоб олган эдим. Мен бу масалада Ўзбекистон Республикасининг собиқ Бош прокурори Р.Қодиров, Олий Суд раиси Б.Мустафоев ва Президенти И.Каримов номига кўплаб мурожаат (ариза, шикоят)лар ёзган бўлсам-да, бироқ юқори лавозимли мазкур давлат арбобларилан мен бирор марта ҳам жавоб олмаганман. Гарчи менинг Сизнинг номингизга йўлланган мурожаатларимга Сирдарё вилояти прокурори Я.М.Очилов ва Қорақалпоғистон Республикаси прокурори А.Палванов жавоб бермаган бўлса-да, куёвим А.Формонов 2017 йил 3 октябрьда озодликга чиқди ва оиласи бағрига қайтди – унинг озод этилишида Сизнинг ҳиссангиз шўбҳасиздир. Continue reading

Categories: МУРОЖААТЛАР | Leave a comment

ОБРАЩЕНИЕ ПРЕЗИДЕНТУ РЕСПУБЛИКИ УЗБЕКИСТАН ШАВКАТУ МИРЗИЯЕВУ

ОБРАЩЕНИЕ

ПРЕЗИДЕНТУ РЕСПУБЛИКИ УЗБЕКИСТАН ШАВКАТУ МИРЗИЯЕВУ

ПО ПОВОДУ О ВОЗВРАЩЕНИИ НА РОДИНУ ПРАВОЗАЩИТНИКА ТАЛИБА ЯКУБОВА

Многоуважаемый господин Президент!

Мы, представители гражданского общества Узбекистана, которые на сегодняшний день проживают во многих уголках мира, а также те, которые ведут свою деятельность внутри страны, обращаемся к Вам с настоятельной просьбой в том, чтобы Вы взяли под свой личный контроль вопрос о возвращении на родину гражданина Республики Узбекистан, известного правозащитника Талиба Якубова, человека, который одним из первых в Узбекистане поднял вопросы о правах человека, демократии, свободы слова и выражений, борьбы против пыток, наставника всех нас в этих вопросах — у которого единственным желанием и мечтой является возвращение на родину. Continue reading

Categories: РУСЧА | Leave a comment

КОНСУЛЛИК БОШҚАРМАСИ

Ўзбекистон Республикаси Ташқи Ишлар Вазирлиги

Консуллик Бошқармаси бошлиғига

Толиб Ёқубов [паспорт бўйича Талиб Якубов]дпг

—————————————————————

16, rue Marcel Pajotin, Angers, 49000, France

Муҳтарам Бошлиқ!

Авваламбор, аёлим Турсуной Якубованинг мени Ўзбекистонга қайтишим масаласида рухсат сўраб ёзган мурожаатига ўринбосарингиз жаноб Ф.Насриев жавоб хати юборгани учун Сизга ўзимнинг самимий миннатдорлигимни билдираман.

Мен Ўзбекистондан 2006 йил июль ойининг охирида чиқиб кетдим. Бундан олдинроқ, 2006 йил 29 апрельда сохта айблар билан менинг куёвим Азам Формонов қамоққа олинди. Мен унинг судюритув ишида қонуний ҳимоячи сифатида қатнашдим ва унга қарши қўзғатилган жиноий иш тамоман сохта эканини исботладим. Бироқ, Янгиер шаҳар суди раиси Эркин Хидирбоев уни 9 (тўққиз) йиллик қамоқ жазосига ҳукм қилди. Куёвим жазони Жаслиқдаги УЯ 64/71 колонияда ўтади ва Ўзбекистоннинг янги Президенти Шавкат Мирзиёевнинг шарофати билан 2017 йил 3 октябрьда озодликга чиқди. Куёвим судидан кейин кўп ўтмай Э.Хидирбоев маст ҳолатда авария содир этди, бир оёғидан айрилди, 1-гуруҳ ногиронига айланди. Судда давлат айбловчиси бўлиб қатнашган Ш.Норбўтаев ҳам тез орада пора билан ушланиб қамалиб кетди. Шундан кейин Аллоҳнинг Буюклигига шўбҳа қилиш мумкинми? Continue reading

Categories: МУРОЖААТЛАР | Leave a comment

ТИВдан ЖАВОБ

Categories: ХАТлар | Leave a comment

ЖKнинг 14 та мoддaси билaн туҳмат, ўлим жазоси ёхуд Диний Идoрaлaримиздaги «мaрд» «мусулмoн»лaр ҳaқдa

Talib Yakubov:

Мазкур мақолани синглимиз Дилобархон Эркинзода лотин алифбосида ёзган эканлар – мен уни кирилл алифбосига ўтказдим. Бироз, арзимаган тузатишлар киритдим (вергул, нуқта, баъзи сўзлар ва ҳоказолар). Бу мақола И.Каримов даврининг даҳшатларининг бир бўлагини ўзида акс эттирган, холос. Минг-минглаб айбсиз йигитлар қамоқларга ташланди, юзлабига ўлим жазоси берилди. Дилобарнинг акаси Искандар Худойберганов шуларнинг бири. Continue reading

Categories: МАҚОЛАЛАР | Leave a comment

Жаноб Президент ПФ-4624 сонли ғайриқонуний Фармонни бекор қилинг ва Толиб Ёқубовни Она Ватанга қайтаринг!

ЎЗБЕКИСТОН  РЕСПУБЛИКАСИ  ПРЕЗИДЕНТИ ШАВКАТ МИРЗИЁЕВГА

ҲУҚУҚБОН ТОЛИБ ЁҚУБОВНИ ВАТАНГА ҚАЙТАРИШ ЮЗАСИДАН 

МУРОЖААТНОМА

Муҳтарам Президент жаноблари!

Биз, бугунги кунда дунёнинг турли бурчагига тариқдек сочилиб кетган ҳамда мамлакат ичкарисида фаолият юритаётган фуқаролик жамияти вакиллари, Ўзбекистонда инсон ҳуқуқлари ғояларига тамал тошини қўйган, демократия, сўз ва фикр эркинлиги, қийноқларга қарши курашиш бўйича барчамизнинг устозимиз санал машҳур ҳуқуқ ҳимоячиси, мухолифат арбоби, Ўзбекистон Республикаси фуқароси Толиб Ёқубов (паспорт бўйича Талиб Якубов)нинг ягона орзуси ва армони бўлмиш, Ўзбекистонга қайтиши масаласини ўз назоратингизга олишни Сиздан сўраш учун мурожаат қилмоқдамиз. Continue reading

Categories: МУРОЖААТНОМАлар | Leave a comment

БОШИМДА ТАШВИШИМ БОР

Инсон ёшлигида тоғу-тошдами, чўлу-саҳродами, шаҳару-қишлоқдами, ўз юрти ё хориждами, фарқи йўқ – Худо умр берса яшайверар экан. Эртага ҳолим нима кечади, деб ўйламас экан. Соғ бўлса бўлди – кун ўтаверар экан. Ҳамма машмаша инсон қариганда бошланар экан. Ўзбеклар бозор ва мозор муқаддас жой, дея аташганини эшитганман. Бозор инсон учун ҳар куни керак, мозор эса фақат бир марта керак бўлади. Қариганингдан кейин ҳаёлингга “Умрим битса, Худо омонатини олса, одамлар менинг жасадимни қаерда ерга беришар экан?” деган савол келаверар экан. Ётганда ҳам, турганда ҳам. Continue reading

Categories: МАҚОЛАЛАР | Leave a comment

ЎЗБЕКНИНГ ШЎР ПЕШОНАСИ

Шу кечаю-кундузда, 2018 йил февралининг охирида, икки ўзбек жиққа-мушт бўлиб жанжаллашиб ётибди – бири, билишимча, диний уламо, бири журналист. Иккаласи ҳам ҳурмат қилишга ва, ҳатто, улуғлашга арзийдиган инсон. Уларнинг жанжали кўча-куйда эмас, фейсбук ижтимоий тармоқда кетмоқда. Кўринишдан, фейсбук ижтимоий тармоқнинг ўзбектилли фойдаланувчилари ҳам икки гуруҳга бўлиниб олиб, бири у томоннинг, бири бу томоннинг юзига лой чаплаб ётишибди. Continue reading

Categories: Uncategorized | Leave a comment

Blog at WordPress.com.